《誇世代》外景拍攝：歐陽震華路邊乾蒸等的士 開車前刨劇本

peace

2017-7-28 《娛樂蘋台》 歐陽震華路邊乾蒸等的士 開車前刨劇本

話晒都自稱係重頭劇，大台呢排密密安排《誇世代》演員開工，上星期四歐陽震華(Bobby)喺中環抱住邵美琪跑斜路，親身上陣跑咗兩、三次，跑完扯晒蝦。

Bobby同邵美琪前日又開工喇，但Bobby呢次就舒服好多，唔使再抱住邵美琪周圍跑，而且有張彥博做司機管接送。

《蘋果》前日下晝6點左右，見到佢哋3個喺香港大球場附近準備開工拍攝，現場仲有一部大拖車同一部的士。3人未埋位時有講有笑，張彥博又邀請Bobby同邵美琪一齊**，然後先企喺的士旁邊對劇本。

雖然接近黃昏，但天氣仍然好熱，3個人仲要着長袖衫，女助手就搵機會幫佢哋印乾啲汗。到正式埋位，張彥博上咗的士司機位，Bobby同邵美琪就上咗後座，由大拖車拖住喺大球場附近兜咗兩個圈，再停車補拍幾個大頭，呢個時候天都終於黑齊，由日頭拍到日落，終於收得工。

peace

peace

peace